موضوع: حرب الاخوين ..قوه وضعف ..شعر ابو الحب ومالك شعبان الثلاثاء 5 يناير 2010 - 13:49
ضعف و قــــــوه يا شعار
ليلى اختارت هالموضوع الورقه اعطـــــــتها لنزار با مالك لا تشد طلـــــــوع (وسيم) اختارت الموضوع ليلى الحسن ، فكتبته على ورقه و قدمتها للشاعر نزار نصير. الذي طرح موضوع المحاورة .. الحرب..بين القوة و الضعف
نزار :
كل عشاق الشــــــعر دمن خفــــــيف بيزقفــــــو و بيعــــرفو وقت الزقـيف سمعنا المديح و كان في نوعو رفيع و شهر الورد مش متل أيام الخريـف بو الحب فطحل قلعة الشعر المنيـــع شاعرشريف الأصل احساسو شريف و مالك حبيب القلب بعـــيون الجميع بنعرفو بالشعر أطرف من طــــــريف و قبل ما تشوفــــو النتيجه رح بذيع جوعــــان مالك وين يا ليلى الرغيف و بدنا تغــنو ع الضعيف و ع القوي وبيناتكم ما في قوي و ما في ضعيف
أبو الحب:
بالعمر أكبر انت ببــــــــدي الاحــترام و بيـــــــناتنا سنين العمر كانت وئام تروى يـا مالك قبـل ما تصوب سهام بالحــــــرب ما في خي بلشنا بخصام ما بين قوة و ضعف أو حرب و هيام قلي ع أيــــــــا جنب بتشـــــد الحزام و يـا مرت خيي لو برد جيبي الحـرام من قبل ما نبدا ع راسو البــوم حـام يا مـــــالك بساح الحرب ما في منام الكابوس جايي بحب تبـــــدي اهتمام و ما زال لــــــيلى طارحه موضوعنا نقي جنب بيريحــــــك حتى تــــــــنام
مالك :
بو الحب لا تزيد التحــــــدي بمنــزلي بْخُوض الحرب والنصر بالساحه الي يا ضعيف شو بتعـــمل أمام المحــدلي بشعري أنا باقي في ارفـــــــع منزلي بقـــــوة يميني ع المنابــــــر معـــتلي و في قـــــوتي بالكـــون بعمل زلزلي و يا ورد شو بتعـــمل أمام العاصفــه و قلي شو جـــايب عالحرب يا مبتلي
أبو الحب:
يـــا مالك اللي عملت حـــالك أصمعي عقلي طري و زندك اليابس مـا وعي بضعـــف الحبر بكتبلك وراق النـــعي و يا حـلوة العينين ع قـــــــــلبي تعي و رمش عــينِك بالغـــــمز جــد السعي بسواد عينــــــــك ع الحبيب تطـــلعي و بتقول شو جـــايب مـعي يا مــدعي و يـــــا طبلة الأذن اسمعيني بمطلعـي جــــايب معي نشوة بــلابل مطـــــلـعي و عـــــــليك ذارف دمعتي من مدمعــي و كرمال لـــــيلى و قلبها الكلو حــنان حتى ما اكسر خاطـــــــرك جبتــك معي
مالك:
لا تعيدها بو الحب رح يسمع أبــــوك مالــــــك أنا و بالشعر سيد ع الملوك قبلك جابـــوني زغير فينا و دللــــوك و يـــا ريتهن بالمدرسه ما عـــلمــوك ما بلـــوم يلي ع غــرامـــك دربـــــوك بو الحب اسمك هيك صارو يعــرفــوك يا ضعيف شو عــــامل لحتى يسألــوك بالمعركه ضدي الحريــــــم بيسعفـــوك ما زال ضعفـــك حطـــك بصف الحريـم لا أنت مـــنا و لا الشباب بيعرفـــــــوك
أبو الحب :
شعـــري سفينه موج بحرك ماخــره و ريشة عنادي لوح صدرك ناخــره إن سقطــتك بقلب البحور الزاخــره لا تظن حالــك صرت صاحب باخـره ريشـة العصفــــور منــــك ساخـــره بضعف النفس عندك روايا شاخـــره و يا نسمة الروح اللطيفه الفاخـــره مني هــــــــديتك للحبيبه الساهـــــرة حوا ضعيفة ورغم ضعف وجــــودها ضحكت عليك و ع الدني بالآخـــــره
مالك :
لما سألت بو الحـــب شو جايب معو خيي الزغــــــــير بحــــب اني دلـعـو تكبر علي و شاط عقلـــــو بمطلعـــو بنــــــار الحريــــقه بحب اني ولعـــو و يا صومعه فيكي القــوايا تجمعـــو ما في صخر صوان عـــندو بمقلعــو ونادى على النسوان قومو تسمعـــو خايف ع ضعفو و انفجـاري يقلعــــو وانتي يا أمي كفكفي الدمع الحنــون بضربي عن الكرسي بيميني بقــبعــو
أبو الحب:
يا ليل جبلي من الزنابـــــق محــرمي و خذها بدمعات العـــــــيون محممي لا تقـــــول رده مكسره و مــــــرممي و ع ضعف عـقلك صرت بدك ترتمي و يا نـــــور عيني يا حــياتي تسـلمي بشريــــــان قلبي صار حُبِك مع دمي انكـــــنا المرا صارت بفكـرك معـدمي مش معــــدمي بتكون نفسك مجرمي طالع بقرآنك حــــــروف المكـــــرمي بتخـــــبرك عـن مجد أم الهـــــاشمي أمي مــــرا مقــــدس رحمها بالــدني و ع خلفتــــو صرتي يــا أمي تندمي
مالك ، قصيدك
يا ليلى زلغطي لسلـفـك الــــغـالي و علي تآمري و مرتاح بــــــالي أنـــــا في قــوتي مجــــد الأكـابـر وعنـتر عبس رح يركـــع قــبالي زمان الضعـف كلــــو صار غـابر لما خضت في الهيـجا قــــــتالي صرت اقشع على خشاب المنابـر دمع الضعف عالخــــدين ســـالي عدوي صار في جــــوف المقابر قصفـــتو بمدفعي بعـــــتم الليالي و على القوه انا ببــــــــقى مثابر متل النسر طايـــــر في الأعــالي صحاري القحط بالقوات عـــــابر و لولا قــــــــوتي خسران حـالي واذاع الضعف يا بو الحب ناوي ع مالك بالعمر بتكــــــــون عالي
أبو الحب :
لحتى جــــــن ما عــــــندي نوايــــا ضعف العقل ما بيخلق قـــــــوايـــا صعبي عليك تاكل من رغـــــيفي لأنو مصاقـــبي ضراسك طـــــرايـا لشِعرك جيب صابونـــه و ليـــــفي لحـــتى تغسلو كلــــــــــو رزايـــــا يا عطر الورد يا ريحـــــة وليـــفي اللي فيك تعطـــــــرو كل الصبـــايا و على خدود الحلا نسمه لطـــيفي إذا مرت بتـــنعش هالبـــــــــرايـــا و بقلبي نبـــضة الحب الطــــريفي لحبيبه شفت في روحــــــا مزايـــا و ع خد الورد عالشرفـــه المنيفي انا عـــــــيوني عم بيمشو حفـــايا الكرامـــة سلاح للبنت الشريـــفي و حنان الأم أصلو من الخــــبايــا يا مـــالك اهجـــم بقـــوه مخــيفي ضعف العقــــــل صابك بالسحايا النسر بيطير بالريشه الضعـــيفـه المطرمن ضعف غيمه فى العلايا و يا محـــبوبتي يا عطــــر ريفي اشــــــفقي ع مالك و قوة زنودو بجمال عيونك بيجلــــو المرايـــا
====== خضـــــــناها بين الخيين فتحنا الجبهه ع الميليـن صار الفكر يحاكي الفكر مثل العين و حدا عـــين