موضوع: حرب يا بو طارق ، شعر ابو الحرب الأربعاء 15 فبراير 2012 - 23:50
حرب يا بو طارق
عَلو يا شوادي الشعر عَلو حبي لسمرتي بقلبي محلو
انشدو نغمات الحان المودي طيرو في مداري و لا تفلو
و قبل ما عد للميدان عِدي اذا ( ختيار) ثرثر لا تملو
هاجمني وما لجأنا للتصدي خفت ع شيبتو ما بحب شلو
الفوارس ما بتلجأ للتحدي اذا خصمي هَرِم والضعف سلو
لأني بعرفو، و لو جد جدي على الساحه اذا الفرسان طلو
بيهرب من حرب لو كان ضدي المتلي في ساحات الحرب قلو
رمى حالو ببير بوقت شدي هاجمني ما ذكرني و بان غلو
صبرت و قلت : يا ايام ردي و على روحو اذا الشعار صلو
و أبو طارق اذا حب التعدي على ختيار سيفي ما بسلو
**** و انا يا ناس ما عليي ملامي اذا بهدي لأحبابي سلامي
و اذا غنيت للأحباب مطلع بعطي للبلابل لحن سامي
لأني في الحنايا رفاق بجمع و مني للوفا بعطي العلامي
خلقت للشعر والشعار مرجع و بلا ما اذكر و عدد اسامي
و اذا جبران من قبرو بيرجع انا ما بشلحو سلمى كرامي
لأني بكل صاحب قلب بشفع بصون المبدأ و بحفظ كرامي
عليي اللي اعتدى ما حب يقنع وفي راسو حامل الفكر الظلامي
انا بهديه ( بمبة) بوز مدفع لحتى شوف راسو صار دامي
و ما بتفيدو اذا عيونو بتدمع لأنو ما عرف قيمة كلامي
و ياسمره يا حياتي بكل موضع يا أجمل صوت يا هدل الحمامي
الهي خالقك و الحسن ابدع عطاكي من الحلا خير الشهامي
و لا تهتمي اذا الحاسد تطلع انا عين الحسد بالحرب عامي
شفت عمي بو طارق صار يصدع براسو في صدع و الجو حامي
و اذا للحرب ماشي و ما بيسمع أبو طارق رح بيحصد ندامي
===== حكمة عمك أبو الحب:
على الجميع ان يعترف بحقيقة قد تكون مؤلمة ، وهي انه من السهل صنع الف وزير ومدير خطير بمرسوم حكومي ، جمهوري او ملكي واحد، ولكن ليس من السهل، بل من المستحيل، صنع كاتب أو شاعر او فنان واحد بالف مرسوم!
الثلاثاء 4 ديسمبر 2012 - 0:19 من طرف 
موضوع: حرب يا بو طارق ، شعر ابو الحرب 
