موضوع: أول الحرب ، شعر أبو الحب و نزار نصير الأحد 25 أبريل 2010 - 13:51
أول الحرب ..!!
ابو الحب ، قصيد :
ميــــــدي يا جــــبال الوعر ميدي وخذي روح المحبه من رصيدي
و اذا شفتي المطـــر ما كان كافي اسقي الورد من دمي بوريـــــدي
و انتي يا "حلا " يا سحر غــافي مثل ورده أنــــــا زرعـــتا بايدي
و ســقيتك من حنيني عطر شافي لأنك بالدني الـــــــــــدره الفريدي
و بقي اســـــمك النغمه ع شفافي و ايقاع اللحن من خفقة وحــيدي
يا ريحـــــــان السهل يا قلب دافي النسمه بالهــــــوى حملت بريدي
و مهـــــــما طالت عليي المسافي روحي عالــــــــورد نحله شريدي
كتبتك ع ضلوعي حــــــرف وافي مش سطرين ع صفحة جريــــدي
و نزار نصير يا زبــــون العوافي اذا بيـــــــــــناتنا بتحمى الحديدي
الحرب بالساح مش كعكة كــنافي توقى توقع بورطـــــــــــه شديدي
نزار معنى : الشوط ابتدى يا سهل وسـعلي المدى ما بين صد و رد مـــوضوعي ابتدى حصاني سرجتو قاصد حصون العدى ورمحي ما راحت رميتو الليله سُدى بوالحب خصمي ليش بعدو ما اهتدى و انذار وجهتو بلا رجـــــــع الصدى و جايي لحتى كـون ضدك بالحـروب و الحـرب توسع بيننا لآخــــــر مدى
ابو الحب: يا جــــبال ميدي و يا ورود توردي طــــل الربيع و تلج عِنا ما هِــــدي و نزار يللي بكل ســــهرة بتبــــدي بالنوح و دموع الأرامل مش شدي و يا حلوتي بخـــدود حمرا موردي معنا اسهري ع قــتل نزار اشهدي الليله ما عندي خصم نازل بالقتال لكن محضر نار للي بيعــــتــــــدي
نزار: بو الحب سيفي خاض معركة الممنون و اليوم بالاشعار رح فجِّـــر عــــــيون عندي عيون الشعر يا نعم العـــــــيون الحلوه اذا بتشوفـــــــــني صابا جنون بتعرف جنوني بالشعر وهج الفــــنون مش متل لون بلا عطر يا زيزفــــــون خليك رايـــــــق تا نكــــــفي هالسجـال و للحرب ماشي وما بخــــــليها ظنون
ابو الحب : ما جنت الحلـــــــــــوه و لا قالت فداك و يمكن انغشيت مفتكــــــــــــر بحلاك وجهك بشع بتجن من وحلة بـــــــلاك من حيث انو العقل مــــــــا مره هداك يمكن تحب الناس كلن من عـــــــــداك و يمكن تشوف بليس تفتكرو مـــــلاك لكن عندما ما تشوف وجهـــك يا نزار تمنت جهنم بس تا تقـــــــعد بـــــــلاك
نزار: عــــــــــندي تمني المح من العينتين ضحكــة براءة مع اشاره من اليدين يسلم حـــــلاها اللي رمتني بغمزتين و قــالت يا ابن نصير قلي انت وين بالحب يا بو الحب عـــــندي كلمتين و غـــول بو طارق بيشهد ع التنين بيناتنا بتختار مين بـــــــدها عريس و ببقى انا و هيي بحــياتي وردتين
أبو الحب:ا القصة ما بدها شهود يما محكمي لقلبك انا نبلة عـــــــنادي محكمي مبارح هدتني من الزنابق محرمي و المحرمه بدموع عـــينا محممي نزار روحــــــــك بالقضية مجرمي و لا تحــــاول بفستان حوا تحتمي ورود الحلا بتعطي حلا لأهل الحلا و ما بتقبل هيك خلقه معـــــــــتمي
الثلاثاء 4 ديسمبر 2012 - 0:19 من طرف 
موضوع: أول الحرب ، شعر أبو الحب و نزار نصير 
