موضوع: رد على " امي كريمه " طالب الرضا .. شعر ابو الحب الثلاثاء 5 يناير 2010 - 14:14
مكتوب من الغربه (رد على الشاعرة كريمة الحواجري)
طالب الرضا
المكتوب ببــدا و طالب عليي الرضا من قلبـك الصافي و حــنان العينتين و رب الخليقة من العبد حبو ارتضى لــــــما بيحظى بالرضا من الوالــدين
مبارح يا أمي كنت بخــــــــيالي معـك سهران وحدي و بالقلب غصه و نهيد و شعرت انك عـــــم بتحكي و بسمعك و جاوبتك من الروح في مطلع قصيد
قلت:
"أمي" يا اجمـــــل اسـم ع شــــــفافي جســــــــمي ضعيف و همسك الشـافي ما بتغمض عـــــــــــيوني و لا برتــاح إلا بهـمسة صوتـــــــــــك الـــــــــدافي ( من مطلع قصيد)
قلت "عمتي" و كان قصدي الانسجـام و نحـــــــــــكي طرائف بالشعر بيناتـنا عمتي أخت بيي في إلــها احــــــــترام و شـبهتك ب "عمتي" حسب مزحاتنا
و هلق يا "أمي" البرد عنا عـم يصير تلاتين تحت الصفر في غرب الشــمال و عنا في ادمنتون عواصف زمهريـر و جمعـو الثلجــــــات أعلى من التلال
بتطلع الشمس البـرد بيصفي قـــــوي و لما يــــــــذوب شوي بيصفي مديـد بيفلش على الطرقات مش عم ينزوي بزهــــــــمة برد بتصير طرقـاتنا جليد
و البنت يللي ناطره بقــــــولك عجـب و مين افتعل يـــــــا ميمتي هالمشكله نــــــــار الفتن بين البشر بدها حطب و مش حطب نحـــــنا بهيدي المسأله
و ابن اختــــــــــــك آكل مبارح سـمك و بعــــــد السمك قلي أكل (نتفة) لبن شافو الحكيم و شال من تمــو الحسك لا تحمــــــــلي همو ما بيصيبو شجن
و سلمي ع سيف بو أحمـــــــــد تمام و ابنو بعت مكتوب مع يوسف خليـل و مني لبو محمــود موصول السلام و سلمي عالخــــــــال بو احمد جميل