موضوع: خطيفة زعيله ...شعر ابو الحب الثلاثاء 5 يناير 2010 - 12:50
مكتوب من الضيعه
يا بو خليل (3)
لما وصل مكتوبـــــــك بأسرع ســـبيل و خبَّــرت عن أحــــبابنا و معهم نبيل جبتو تلات غزلان مبروك الحـــــــلال المهـم عــــــدتو بالسلامـــــه يا زميل
مبارح بدكانـــة "سـجيع "الحاضرين حكيـــــو سياسه و ما اتفقوا بالهـدف من حيث بالإجـــــــــمال كانو نــايمين وكان الحكي بعد الغدا و هيك الصدف
و موســـم حصيدي كان مقبل هالسنه و البرغشات كـــــــبار ما خلـــو حَــدا يللي بيغــــني متل عمر الولــــــــــدنه ما عــــــاد غنى لا قصيد و لا حِــــــدا
و ناطـــــر الو سنتين بو عاطف مجيد معقول حظــــــو يرزقو بتاني مرا !!؟ عــــدا عليه الصيف كــــتـّر بالنهــــيد و تحت الدرج بالليـــــــل بلش دعفره
و بو سعد حاول يشتكي بمخفــر درك لما العصا بالحقــــــل مشرف ناولـــو و من شدة الضربه ع ظهرو ما حرك و من بعــد منها العـيلتين تقــــــــاتلو
"فقوس" عم يعمل وساطــه مع كرم بلكي بيطـــــــلبو بنت خــــــالو وديع زعـــــلان كيف الحــــــظ بالآخر برم وكيف البنت بالآخر بتقبل سجيع !!؟
و زيتات بو صالح ما كفو عالحساب بقلة مطر بيكون موســــمنا شـــحيح و مصادفي فصل الشتي دق البواب لمه عــــملنا و كان بفـــراشو طريح
"زعيله" بعد لليوم ما جـاها عريس خافــــت العمر و كل عمرا ناطـــــره بليلـــــة مبارح كان ناطــــرها انيس راحـــــــو خطيفه و قلب أهلا قاهره
وبكره الصبح بقعد لحالي عالرواق و أمي "كريمه " بـــرد ع مرسالها و بيناتنا ما بخـــــــــــل مرة باتفاق متل خـــــيط الصوف ع مغــــزالها
و بختم المكتوب من أختــــــك سلام و وضع أختـــــك يا وفي ما بتجهلو قريب بنجــــــوز بنت أختــــك سهام و غـــــير نرفع راســــــنا ما بتبقـلو
حواشي:
تدعفــر= اصطدمت قدمه بشيء فوقع زعيلة = اسم فتاة بدوي عربي قديم مشتق من زعل فقوس = اسم علم للتهكم في القرى
الثلاثاء 4 ديسمبر 2012 - 0:19 من طرف 
موضوع: خطيفة زعيله ...شعر ابو الحب 
