موضوع: بحكي الحقيقة ... شعر ابو الحب الإثنين 4 يناير 2010 - 14:23
رسالة من الغربة
يا بو سعيد (2)
بحكي الحقيقه
سألتني بمكتوبك و (كـيف الشباب) و ع رفاقنا بالصومعة بدك جــواب و كرمال عــينك يا رفيقي بو سعيد بحكي الحقيقه و ما تعــــدا اغتياب
ع(بيس ريفر)الأمس شدينا الرحال عالصيد رحـنا بين غـابـات و تـلال نتصــــيد الغـزلان يـا ابن الحــــلال نزار حــــــدي كان و سلاحـو معـو وسلاحو برحلة صيد ما رح ينفعـو شايــــف الغزلان صوبو تجـمعـو قلي يا عاصم شوف قلي شو العمل قلت بتاخذ ألف دولار لو صبت الجبل نزار ما صاب الجــبل بـــــــرصاصتو كيـــــف بـدو يصيب بالصيد الغزال !؟
و هـــايل متل ما بتعرفــو بعدو عنيد جيب اشترى وفرحان بالجيب الجديد مبارح صدم سيارتين و ما انجــــرح لمـــــــا ع درب البيت زحّط ع الجليد
وشو بْخَبْركْ عن حال بو محمد نبيل مَغـْسل فــتح تا يغسل الأوتــو موبيل و كلما الــــدني بتتلج بتقطع رزقتو بيصير حظــــو يندب و يبــدا العويل
"وسيم" بالهاتف صفي اكـــبر مدير و بالهاتــــف النقـّــال بنعـــــدو خبير مبحوح عندو الخليوي،صابو طرش نايــــم ما عندو لا صفير و لا شخير
و "أيوب " بالمطعم مشاوي مهنـتو بيحرق اللحمة و ما بيحرق مهجــتو بيكتب قصايــــد و الزبائـــن ناطرين مـــــا غيَّـــــر العاده بعــد من طلعتو
و زياد ما بيصـدق معي في موعدو جـــايي بقــــــلك بس تا يسدد حكي عالــــدرب بــدو مين حتى يساعدو وحضرتـو من البـرد بعـدو بيشتكي
و مالك فكاهي بتعرفــــــو يا خيبتو شو ما قشع بيقول عنها"خوختو" من قبل كبر السن بلـّش هـــــلوسه شاب بعـدو و خـاف تبــــــدا شيبتو
بهدي سلامي لبيت خـالك بو وديع و لجــارنا الهيّـاف وعيون الجميع و للست ام السعد مع ابـــــنا حسن و بإذن الله بزوركـــم بعــــد الربيع