أبو الحب Admin
المساهمات : 474 تاريخ التسجيل : 10/11/2009
| موضوع: يا دنيا ما رح بتسعد سعيدي : شعر : أبو الحب الأربعاء 15 فبراير 2012 - 23:32 | |
|
يا دنيا ما رح بتسعد سعيدي
و اذا ( دنيا كمالي ) بالقصيدي عَ قولي بـ رد من روحا الفريدي
نفت تهمة (دعم) خصمي عليي و( دفوع) مسطره بهمه شديدي
( رفعت الظلم) قالتها (الشقيي) بعباره (وضوحها) نبرة أكيدي
بصياغة توريه و ضحكه هنيي و ( ضد الظلم ما كنت الوحيدي)
و انا ما كنت جزار الرعيي و(بـرفع الظلم) ما بتسعد سعيدي
انبرى بو طارق و بلش أذيي بـأسامي وهم تا تحمى الحديدي
عملتي من أبو طارق قضيي و (بالأوصاف) عبيتي الجريدي
كأنو من ( السموات العليي ) ( ملاك ) و حامل رساله سديدي
و عن (الفكر المنور) يا صبيي حكيتي وع الفكر عيدي و زيدي
وع (فعل الخير) لعموم البريي (يتيمه) شافتو و قالت يا عيدي
(استقال) و قالها بلهجه جليي ورجع من بعدها يعزف نشيدي
كأنو من ندى الورده الجوريي سقى عطشان بالصحرا المديدي
ورح (يضوي) عتم ليله غبيي شو هوي ( بدر الله) يا حميدي؟
و قلتي ( مسانده) يا المعيي يعني ( دعم ) و الشرحه مفيدي
و (شهامه مع كرامه) يا بهيي ما عمري بشوه الروح الرغيدي
و حتى خبِّرك عن حسن نيي بحياتي منهجي الفكري عقيدي
و برحلة صيد كرمال الفريي و ثعالب شفتها بغابه شريدي
و اذا ما كانت الصيدي غليي ورصاصي كان أغلى من الطريدي
ما بستعمل رصاصي يا حوريي و على الايتام رح وزع قديدي
و أبو طارق انا بقلو ( يا خيي) و روح نْصَيْر سميتا الفقيدي
خضنا بحرب قوه حربجيي بقوافي الشعر مش مدفع حديدي
و يا دنيا بالحروب الشاعريي بعطي الخصم قوه من وريدي
لحتى يكون ( هاله منبريي) وجديدو بالوغى يساوي جديدي
ويا " دنيا الرأي"بالهمه العليي عَ قولي اشهد بحكمة رشيدي
و(بموقف حق) والروح الأبيي اخذلني ان كنت ناصبلو مكيدي
===== حكمة عمك أبو الحب :
أتساءل : لماذا يقلدون الأعمال الشعرية الخالدة . فإذا ارتقى التقليد سنتيمتراً صار كالمعارضة الشعرية: أي كتابة قصيدة على غرار واحدة شهيرة في الوزن والقافية . وغالباً ما يختار المقلّد القصيدة الأرقى، لهذا لا يرقى و في مكانه يبقى. والسبب واضح: لقد اختار لنفسه الدرجة الثانية و ربما العاشرة منذ البداية .[b] | |
|