الما عندو عقل ايامو شقاها نخر عظمو البرد ما كان مشفي
الحرب ما فيك تتحمل أذاها و كاس الصبر بالعركات قفي
جبال المجد ما بتبلغ علاها عليك بخاف يا واقف عا حفي
وبحور الشعر تكسيرك كفاها ببركه بتغرق وقاعد عا ضفي
نسور الشعر اجوائي سماها انت جلبوط جسمك مش مدفِّي
نتفت ريشاتك وغيري خفاها وعليك الدين دينك مش موفي
و حياتك رح بننهي يا مشحر انا قابض على روحك بي كفي
حاشيه: الجلبوط: هو العصفور الذي خرج من البيضه و لا زال بلا ريش قفي الكأس : اي اشربه كله دفعة واحده و اقلبه على قفاه . ===== يا مولع نيران الحرب و بتهددنا في نارك امتدت نارك شرق وغرب و نارك عم تحرق دارك
==== نداء للأحبة و رجاء للجميع:
اولاً : ممنوع التدخل الأجنبي و ممنوع تدخل هيئة الأمم (المتخده) و مجلس الأمن الدولي.
ثانياً : ضدي ساعدو خصمي وفلولو و اذا تهجم عليي هيصولو لأنو ضعيف بدو معنويي الحمير العرج عاملها خيولو رفاق الشعر يا اهل الحميي تعدي فاضح بيفضح ميولو و لحتى خصم لاقي في مجالي بدل ما تهتفولي اهتفولو
الثلاثاء 4 ديسمبر 2012 - 0:19 من طرف 
موضوع: الجلبوط ابو طارق ، شعر : نزار نصير 
