محمود الكباريتي بين القلب و العين ، شعر: ابو الحب

[size=18





]اهلاً صباح الخير


أهلاً ، صباح الخير يا محمود
رغم الألم ، ع قلوبنا بتجود

بالقلب ساكن او سواد العين؟
ساكن بعيني و بالقلب موجود

قلبي انقسم بمحبتك قسمين
قسمين! لكن بس ما في حدود

قسم ، شرَّع للشعر وجهين
و قسم للأخلاق يا بو الجود

و العين ، اهدت للعقل خلين
خلين مش ضدين والمقصود

خل ، شاعر عاشق التنوير
وخل بايماني بسيرتو محمود

*****

يا شاعر الألفة حديث الناس
عنك بقلبي ، باعث الايناس

قالو الكباريتي شموخ الحرف
شعرو منارة و قمة الاحساس

بيكتب تحدي ما بيجهل ظرف
عبقر الكلمه ساكنو وسواس

شعر ما همو النحو والصرف
همو الوطن ينجى من الخناس

*****

قريتك قصايد و الحرف منوار
و الشعر مسقي من دمع آذار

ولولا الورد ما في حلا نيسان
و لا عيَّد الورد بشهر نوار

ولولا القصايد ما ارتقى فنان
و ما انحفظ ( تاريخ) للابرار

بقلبك ، حملت الحب يا انسان
لمجد الوطن مع صيحة الثوار

*****

تجلى الوعي بتفكيرك العالي
و منو استعار اللحن موالي

عذرني ، اذا تأخرت بالتعبير
عن حدس قلبي او نبض غالي

قريتك مع التحليل و التفسير
وما كان قصدي ينشغل بالي

و مع كل كلمه ارفق التكبير
بمحمود ، بحمد ربنا العالي

====
حكمة عمك ابو الحب :

الشعر مش انشا و لا نزوة ترف
و لا كان كلمه في قانون و عرف
الشعر نور الفكر في الانسان
ونسمة وعي التعبير عنها بحرف[/size][b]