أبو الحب
Admin
المساهمات : 474
تاريخ التسجيل : 10/11/2009
 |  موضوع: حرام الهجر !!! شعر ابو الحب  السبت 20 أغسطس 2011 - 23:57 | |
| حرام الهجر ..!! شعر ابو الحب
حرام الهجر
قال :
كفايه ، حرام الهجر يا حلوة الحلــــوين
تعـــبان قلبي و ما عــــاد العمر يكفيني
راح الربيـــع و بــــــدي بالثرثرة تشرين
تعـرت غصوني و ما خلا وراق ع التيني
كنتي إن طلبتي الثلــج اطلـع على صنين
تا الثلـــــج يروي ضماكي و مي ترويني
وكنتي إن بردتي و غـزاك البرد بكوانين
تقــــولي ع جمر الهـوى الدفـيان دفـيني
وزهو الربيع اغترب عن وردة النسرين
وما كان منو وقـت يعطيكي و يعطــــيني
و قعــــدت فكّر في هــم العمر و التكوين
و أرزل العـمر جــــاييــكي و جــــــاييني
تا صار عمري أنا تــــلاتي مع تــــلاتين
و كترت بعقـــلي الهواجس يا تقــبريـني
والشيب واعد يجي من بعد عشر سـنين
و دَوِّر ع صبغـة شـــعر حتى تـــواسيني
شــفت حالي صرت ما بين(جيم و سين(
اجمع و اطرح تا لاقي حساب يـــرضيني
ما كنت صدق طــوانا العمر حين و حين
و ما عـود اسمع إن حكيتــك أو حكيتيني
و جمر القلوب انطـفا تغطى برماد سنين
و الروح منو انتهت تا البـــرد ينهــــيني
ما كنت افهم شو معنى العجـز بالسبعين
و شو مستحيل الصبا يسترجــــع سنيني
و يمكن مع العـمر نحنا نصير خرفــانـين
و كتر الهواجس يا عــــمري ما بيلهيني
ع العمر كوني معي و ع الضيم متحــدين
و ما بخاف انــك يا روحي ما تنصفـــيني
بالعـــــــمر أنـتي و أنا للحــب منـــذورين
تا النــذر نوفي و ع وفي النــــذر عينيني
انتي كــــــواكي الهجر في جمرتو تخمين
و بنار هجرك يا روحي ليش تــــــــكويني
******
قالت:
يا روح روحي حرقت القلب بالمكــــتوب
قريتو و ع خــــدي انحفر مسلك لدمعاتي
و بين السطور انكتب من قلب عم بيذوب
زفرات قهر و أسى عن كـــتر وجـــعاتي
ما كان هجري يا روحي بالعمر محسوب
ولا كنت اعرف شو قصدي بكل سفراتي
ما نسـيت حبي الك بس القــدر مكـــتوب
سافرت لكـــــن بقــــــلبي جـــمر أهــاتي
الإنسان مــــنا في أحكام القـــدر مغلـوب
لا صنع أيــــدك و لا مـن صنع ديــــــاتي
يـــا ريت حظي ابتسم تا نحقق المطلوب
و من نبض قلبك أنا حبــــيت نبضـــاتي
الناس قالو ع صبري "يا صبر أيـوب "
و الصبر مني هرب ع كتر آخــــــــــاتي
ما لقيت بين البشر متلك أنت حبــــــوب
و ما كان بــــدي حبيـب و أنت في ذاتي
و غير حبي و حُبَـك بالعـــمر مشطــوب
يا كل حبي ع صــدرك طـيب غفــــواتي
أنت الأمان و بدونـــك هالعمر مقلـــوب
نذرت نــــذري و أنا ضويت شــــمعاتي
البعد عــــنك كــــواني بجمرة الجغبوب
وع البعد صارالشحوب يغزي عوجناتي
و صممت ارجع لعندك انهل من طيـوب
قلبك ، و قلبي فرح من دفء خلجــاتي
=====
حكمة عمك أبو الحب:
كل خطــــــوة في حــياتــــك زينــها
و روحك على الهجـران الله يعينها
لا تهجر المحبوب في ساعة غضب
لحظة غضب رح تنتهي في حينها | |
|
