موضوع: مبارح يا دنيا !!! شعر ابو الحب السبت 20 أغسطس 2011 - 23:46
مبارح يا دنيا
مبارح يا دنيا الطيف عالمغرب سرح زيارة ، لأهل المكرمه في ديارها وعالدرب شاف الناس مجتمعه بفرح ودار المضافه بتنعرف من نارها شغلت عقلي شعر من فكري اجترح و عرفت نور الشعر قبلي زارها و يوسف بو رواي قام وعلينا اقترح للشرق ناخذ علم من انوارها
**** و ما بين طنجه و الرباط بيلتقو شعَّار حتى لبعد ( سبته ) يوصلو بساحة ( مليله ) تجمعو ما تفرقو و بدهم ( الاسبان ) منها يرحلو و البعض فيها ، تغربو ما تشرقو توهمو !، و بالوهم كلو استرسلو و شفت الأهالي بالدموع بيغرقو و"حرية الاوطان " وين!!؟ بيسألو
***** ما بريد لشعبي احتلال و سيارات الشعب بدو يكون حر بموطنو (محمد الخامس) قالها لكل الجهات و حربة المحتل شعبي بتطعنو يا ناس كافي دموع نذرف بالحياة بيكفي كلام و ثرثره عم يطحنو فلسطين ما بتقبل مذله و لا سبات (انجاس) في ارض الكرامه توطنو
***** و من فاس لمكناس طلي ع الوطن و الاحتلال " بكل انحاء البلاد " و كل حاكم حقد في صدرو شحن نارك يا شعبي بعد ما صارت رماد و ثورتك يا شعب ثوره ع الوثن عن ثورتك يا سوريا ما في ارتداد (الجولان) قاسى كل انواع المحن والجيش عم بيحارب الشعب بعناد!
***** الهموم ، يا دنيا بوطنا سائده و أزمات ، بتخلف كوارث للعباد = الحكام = ببلادي بلوثه حاقده عم يحكمونا و القهر للناس زاد فقر و مجاعة و البطاله رائده و الاقتصاد مدمر ، الافساد ساد و( السجون) بكل مطرح زائده و ما في مدارس للبنات و للولاد وع كل ( شاشه) ثرثره بلا فائده ( مدح للحاكم ) اذا خرَّب بلاد
*****
و ليبيا ، بعدو فؤادي ما نسي أهل و حبايب ما بيعترفو بزوال ومهما زماني دار و عليي قسي ما نسيت اجرام ومآسي الاحتلال الأرض متل العرض عنا مقدسي والأطلسي عالنفط عينو بكل حال لا شعب همو وجامعه او مدرسي همو نهب للنفط مع زيف المقال
***** منين بنجيب السعاده للبشر !!؟ ما زال بالأزمات أمه محاصره سمعنا انين وصار يبسان الشجر و حرية الانسان ليش مصادره دمعات ع بلادي عم بيذرف حجر وناس القصور الشعب كلو غادره والصبر بعد الصبر انسان انتظر و لا بد ما يكون " التمرد" بادره
***** من الصومعه : رمضان كريم ، الى كلكم من كلنا ، كل عام و انتم بخير
الثلاثاء 4 ديسمبر 2012 - 0:19 من طرف 
موضوع: مبارح يا دنيا !!! شعر ابو الحب 
