استعاره وتوريه بحساب جاري مع التشبيه ، حتى يضللونا
انتفض فيي شموخي زخم ناري تا احرق كل يللي استغيبونا رجعت للحرب يا زينة دياري و معي القراء يللي واكبونا
كرامة عينك اصطدت الضواري و لأجل أنصارنا اللي ناصرونا
حجبت البدر في قبضة يساري ما قدرو بليل أعمى يراقبونا
بيمني الشمس حابسها بمداري و فيها بحرق اللي هاجمونا
و اذا كانو رفاقي بالحقيقه العواطف ليش بدهم يسلبونا؟
***** ويا بو صفره انتهى الهرج المقنع معي ما بينفعك ( ابن المقفع !!)
و اذا نصيري عم يساند هجومك بحجارة مقلعو ، ما كان انفع
جابهتو و قلت يا ناسي علومك كلامي برددو ع كل مسمع
أنا ( بو الحب ) بحرقلك تخومك ( اذا) بيسمرتي بصرك تطلع
و ( اذا) تماديت رح اقلع عيونك وعلى الأعداء قلبي ما بيشفع
و انت متلو انا مدمر حصونك الجماجم في عريني كنت اشقع
النصيري قال :بو صفره يا عونك و لدعمك ساند هجومك بمطلع
و انا بالحرب رح خيِّب ظنونك انت من طين ضدي عملت مدفع
(مدفع طين ) ما بيحمي حصونك فيك بينفجر و النار ولَّع !!
(الأطبا ) بيعجزو يداوو جنونك و دموع بيذرفو من كل مدمع
جنونك يا بو صفره من فنونك بجنون العقل ما بيفيد مبضع !!
**** و اذا نصيري ابتدا يقرأ فواتح و جايب فيل ركبلو جوانح
و جرَّب ، ع جناح الفيل يصعد الجوانح ما بتحمل فيل جامح
و يا ما بغيبتي ازبد و ارعد تا يظهر قوتو بالحرب طامح
لبعيرو ما وجد بالساح مرقد تخيل حرب من بو الحب رابح
و مع السمره انا بالحب اسعد بحلاها كان طيفي اليوم سارح
و لأني من النصيري كنت ارشد ابو صفره نسيتو من مبارح
***** سمعت انصارنا الناس الأكابر عم ( بيطالبوني ) كون غافر
ما عندي مانع بسامح رفاقي ( اذا ) تابو بلا غرور المكابر
مع (الأخوان ) حبيت التلاقي وخلاف اليوم رح بيكون عابر
النصيري أخ بالاشعار راقي وحبو في ضلوع الصدر سابر
و اذا بيضيع يونس رح يلاقي أنا بعمري ع المحبه مثابر
و اذا خضنا حروب الجو ناقي حروب الشعر ما بتفتح مقابر
و مع الأخوان رح أعلن وفاقي لأني ( خاطر الأنصار ) جابر
***** دعوة خاصه : تتشرف " الصومعه " بدعوتكم لحضور حفل زفاف الصديق الشاعر يونس ابو صفره على محبوبته الشقراء و ذلك في الاسبوع القادم في فضاء رحاب الغيوم و ملاعب الريح .. أدام الله دياركم بالأفراح عامره .
الثلاثاء 4 ديسمبر 2012 - 0:19 من طرف 
موضوع: فشلو بالغرام .. شعر ابو الحب 
