موضوع: الصوره .. شعر ابو الحب الإثنين 25 أبريل 2011 - 0:10
الصوره ..
صوره بعتي و الظرف مختوم بلمساتك الحلوين ، ممهوره !! بكلمات شفافه الطلب مفهموم قصدك يا حلوه اعشق الصوره
رسمك وصلني و فات بعيوني تسجل بذاكرة القلب و الروح متل الكأنو طيور مسجوني جوا القفص حبت تعيش تروح قالت حبيبي ؟! وين دلوني سمعت، من كتر الملل بتنوح ! يا سنين بحياتو لا تنسوني هالظلم كلو ، ما بقى مسموح
بدي بحياتي كون محروره
وصلت الصوره موشحه بالنور و فيها حلا اكتر من الالماس الشعر انفلش عا كتفها المغمور فلشة حريري برهفة الاحساس موشح ، كأنو مخصل بمنتور و حولو من العينين في حراس محيك كأنو شرشف المقصور لكن بمال الكون ، ما بينقاس
و خلى برادي الليل مستوره
و الحاجب المعكوف ع الميلين عكفة السيف الذابحه بالحد حارس !! كأنو ، صار للعينين بيرسم البسمه بس وقت الجد بتلهب شفارو ، نار من حدين بيرجع يسلي الروح لما يود و سهام مرشوقه من الرمشين و مين قادر هالسهام يرد .!؟
جروحا بنص القلب محفوره
و طل البدر من وجهك المهيوب يرسم على خدودك ربيع العمر متل الكأنو ، بالسحر مكتوب !! حدو انفلش ع كل ميلي غمر و شلال ضاوي ع الوجه مسكوب و شفاف حلوه عم بتأمر أمر و قلبي صِفي بعواطفك مصلوب وعمري عملتو ع حسابك نذر
و بعرف جروح الحب منذوره
الصوره شفت عن روحك مرايه بتعكس الرسمه بتفضح الاسرار ما بتطلب من الحرف ترجايه و زفت الي الفرحه من الأخبار وجهك ، كأنو من الحلا آيه و ايّا حلا بختار .. ، رح احتار! هاي وهبة الخلاّق مش غايه معها ، بيعجز يبرم البكار !!