موضوع: زنبقة الوادي شعر ابو الحب وزياد ابو لطيف الأربعاء 5 يناير 2011 - 0:55
زنبقة الوادي
يا ( زنبقه ) ع حفة الوادي لبستي الطبيعه من صغر سنك يللي ع فجر النور معتادي بيحكي الحلا ، بيروي السحر عنك ياما الطهاره باسمك تنادي و كل البراءة مصدرا منِك عطيتي نسيم الصبح زوادي و شبعت اللوحه فن من فنك
و انتي ، كمامك صفقو للنور وحدك ربيتي بهالفضا الأزرق و من وين لما بتنتشي العطور و قلب الطبيعه بحبك تعلق طلعتي ما بين الزهر و المنتور خصرك رقيق و جيدك معنق بنت الطبيعه و جوها المسحور العطر البري ع خدودك معبَّق
مر النهر من حدك و غنى وعم يسألك : يا بنت انتي مين؟ و الفجر هنَّى النفس و تهنى غار الحبق و الورد و النسرين و تمك .. قبل ما يجاوب تأنى وبسمه رسم ع شفافك الحلوين من حيث روعة هالحلا الجنَّى خلقت معك من قبل عشر سنين
و مرافقك قلبي باول يوم!! لما تفتح سحرك الدافي ما عادت عيوني بتعرف نوم واسمك همس مزروع ع شفافي ورضيت بين الناس احمل لوم كرمال غمز عيون شَفَّافي واحمل عطش روحي بعمر الصوم و بعدك بعيني نور لا تخافي
يللي اخترتي تجاوري الوديان تمنيت حالي محل ما سْكنتي هونيك ،عيشه بروضة الافنان ولو تكبري ما بقول ختيرتي تمنيت ، جاور سحرك الفتان وانتي الأصيله و ما تغيرتي بيكفي خطايا حامل الانسان وانتي البراءه بعمرك حملتي
يا زنبقه اللي منك استوحيت لطف و دماثة قلب متفاني من مطمحي فيكي انا تمنيت النسمه اللي حملت عطر تلقاني بالنهر ، لو صدفه انا تلاقيت بقلو : الزنابق ليش عطشاني ؟ و من غير وعي يا زنبقه رديت و كان الصمت من بوح وجداني
الثلاثاء 4 ديسمبر 2012 - 0:19 من طرف 
موضوع: زنبقة الوادي شعر ابو الحب وزياد ابو لطيف 
