موضوع: دنيا كمالي شكرا .. شعر ابو الحب السبت 11 ديسمبر 2010 - 22:45
دنيا كمالي شكراً
من الآه و الآلام ، ما عندي هموم !! و ما بكترث، و العمر ع خط المسير
ولا في كآبة تصيبني ولا في وجوم مؤمن بربي و بالنهايه و بالمصير
الوعكه بتجي و بتروح شلعه من الغيوم بتحجب الشمس، نهارنا بيصبح قصير
و بيعود تاني نهار ، يشرق ع العموم تا نبتدي ، و ما نقول بالفصل الأخير
و مبضع الجراح ما لاقى شحوم !! مر لحمي ، قال : ما حبو الفقير!!
ونحنا انتهينا !؟ هالحكي ما لو لزوم !! نحنا .. ، متل عمر الشرانق للحرير
و انتي يا دنيا محبتك كلما تدوم بنحس بالأخلاق و الذوق الوفير
يا اختنا ، من خفقة القلب الرحوم سمعنا نداكي و الشذى فاح بعبير
للجرح جبتي المرهم و صارو الكلوم يشفو من الكلمات و الحرف النضير
جايي تا اشكر عاطفة قلب الرؤوم و رد التحية و أعمل الكلمه سفير
====
و لكم جميعاً :
أهل الفضل من الشعار غمرونا بفيض التحنان و تعليقات الكانو كتار من الخيات من الأخوان الكم تحية اكبار و منعرف انو الانسان مهما جروحو تشعل نار بيرجع لحس الوجدان بيناجي الرب الغفار تا يزيد بقلبو الايمان و لما بيشوف الأخيار بينسى الحرقة والأحزان
الثلاثاء 4 ديسمبر 2012 - 0:19 من طرف 
موضوع: دنيا كمالي شكرا .. شعر ابو الحب 
