موضوع: بخاطري صوره .. شعر ابو الحب الثلاثاء 21 سبتمبر 2010 - 0:26
بخاطري صوره ،
شفتك .. شفتك ..في هاك الليل مسروره ما قدرت امحي بخاطري الصوره مبين على خدودك ندى وازهار وكمشة حلا ،ع الوجه منثوره و لون الفرح ، بعيونك بيحتار تبسم و قال لي : زرت غندوره قبالك انا ، و قلبي اشتعل بالنار و صارت عيوني كتير مأسوره
بضو القمر رحت وفتحت كتاب اقرا ما بين سطور حرف وحرف و اسأل كتابي بجملة الأسباب عن حالتك ، عن هالحلا والظرف يمكن تركتي الهم و السرساب متل ال ترك هم النحو و الصرف يمكن.. ، العندو روعة العناب ما اهتم بعناقيد معصوره! !؟
و الفجر ،طل و دق ع بوابك جاب الزهر ..من بين الحفافي وراح و نثرهم عطر ع ثيابك و جاب العطر من روح شفافي و الليل جايب كحل لأهدابك بيركض وراكي ..هالمسا حافي ويلمس الشوق الكان بعتابك و نسمة البرد ، تصير محروره
عم تحتفي فيكي الطبيعه وكان بألوانها يضحك ربيع الكون و بتشوف فيكي بدرها بنيسان لما الربيع يطل عنا ، هون البسمه ع وجهك ترسم الالوان وتحكي الزنابق الف لون ولون من هيك لما بيضحك الانسان بنعرف حياتو بحب ممهوره
==== حكمة عمك ابو الحب :
الهم ان خيَّم ع صفحات الوجه ، و دشر بصماتو ما بيمحي العبسه بالذات غير الحب و آهاتو
الثلاثاء 4 ديسمبر 2012 - 0:19 من طرف 
موضوع: بخاطري صوره .. شعر ابو الحب 
