موضوع: تبسمت ,ابو الحب ,وشعراء الصومعه السبت 18 سبتمبر 2010 - 23:43
تبسمت
الى الأخ عبد الهادي القادود .. تبسمت لما عرفت شاعر رجع ع الدار وضحكت مواج البحر ع صفحة المينا و مثلك الهادي ..، غزير بينظم الأشعار لما برجوعك بدت تفرح قوافينا!
عرفنا بشواطي الأدب، عم تلمع الأنوار انوار شعر و لطافه عم بتروينا لكن اسمحلي بأخوه ..، خاطب المنوار اشتقنا لقصايد من الأسقام تشفينا
طالت الغيبه علينا ..، و طيلة المشوار و بالانتظار الأمل ..، زوّد امانينا عرفنا بأنك فجر .. ، و الفجر لما زار ضحكت زهور الطبيعه ع روابينا
"القادود " شعلة فكر من نخبة الشعار يا ما ابتسامه بليل الشعر هادينا و النسر ..، مثلك بيحلق بس مهما طار بيعود ..يفلش جناحو ع أراضينا
و النهر .. متلك غني و بتنطرو الأزهار حتى يفتِّح جناها ، وعطر يعطينا يا ليل طل البدر .. ، تا يسامر السهار و قلو يا بدر الدجى أسفار يكفينا
نحنا بشواطي الأدب مع عيلة الأخيار ع جنب (خيّك عمر) بالشعر لاقينا الهباش شعرو فرح مع شدوة الأطيار و غنـَّى النصيري طرب لزهور وادينا
و افين طلت علينا بوجهها النوار و طلال أطيب عطر بالشعر يهدينا الوقاد ياسر اديب و مشعل الثوار من دون شعرك ما في نور بليالينا
بيتك بـ" دنيا الرأي" في معقل الأحرار ويا ما روينا زهورو من مآقينا شيِّد حجارو .. ، بشعر جديد ، يا عمَّار حتى نشيد سوى .. جملة نوادينا
===== حكمة عمك أبو الحب:
توكل ع الرب الغفار الله محدد هالأقدار بتبقى شامخ متل الطود لما بترافق أحرار