موضوع: فارقي التجار ,, شعر ابو الحب الجمعة 3 سبتمبر 2010 - 14:02
الإهداء:
الى صديقة حميمة "مجهولة معلومة" هناك
فارقي التجار .. قديش بدك تغيبي و تتركي الأزهــــــــار و مثلي تعيشي و متل ما عشت بظنوني ويظل طيفــــك معي و بتحيرو الأفــــكار و تظـل روحي بطـــيف الولف مسكوني
و"الآخ" تبقى معي و بــــدورة البيكار و يبقى هواكي بلــــــيلي يْسَيْهِر عيوني و حروف تحفر ألم ع دفتر الأعــــــمار و كلمات فيها شماته بهوجــــــة جنوني
شو كان صاير معـك تا تهملي الأشعار و تقري جريدة سياسه بهم مشحــــوني و أخبار فيها عن العَـيَّـار و الـــــدولار و عن كل تافه خبر يا هاملي شــــؤوني
و بيصير فيي متل ما صار بالأخــــيار للحب جــــوع و ما لاقي لمهجتي موني لا في قـناني خمر في مخمرة خـــمّـار وهموم قلبي و كـــوابس عم ينطـروني
الشوق فيي ابتدا ما عدت شوف نهار و أفـــكار خلفـك ع درب الشك مشـوني و العمر صفى لـــــــيالي عتمها بيغار من ضو شــــمعه إذا بالضو شافــــوني
و شعار لما يجو ع"الصومعه"زوار يزورو أسير الهــــوى حتى يســــلوني انتي أميرة فؤادي بحـــــومة الشعار و انتي القصيده يا نور الشعر بعــيوني
شو بقول عنك إن قالو شعرها نـوار و خلف الهواجس أنا المهــموم ودوني كرهت التباعد أنا يا مبيعدي المشوار وانتي لجريده و(سياسة كذب) مرهوني
الرمز بوطنا يا قلبي بسمة"الختيار" و ثوار"فتح" ال على الأعداء عانوني شبان كانو و صبايا مع أبو عــــمار ثـــوار شعبي يا روحي ما بيتركــــوني
يا نور عيني في عنا تاجر وسمسار هني اللي باعو الشعب و اليوم باعوني خلي السياسه لأهــلا و فارقي التجار تا تظل عيشة هـــــــنا للقلب مضموني
====== حكمة أبو الحب:
السياسة تجارة و مصالح و صفقات خلف الكواليس و الشعب هو الضحية .. فلا تكن سلعه وضحية