موضوع: اعزب الدهر وهمسة عتابا ..شعر ابو الحب الأحد 29 أغسطس 2010 - 2:40
أعزب الدهر شروقي (البحر الطويل)
أعزب الدهر و جفاني الخافق من سنين و يمكن ع طول العمر ما شوف أحبابي ما حسدت و الله حـــدا من كل المحـــبين و بفرح بعرس الوفي مع كل أصحــابي
طيفك جفاني و بعـد ما وصلت ع تشرين و تشرين عمري بعــــد ما دق ع بوابي رحتي و تركتي فؤادي بلوعة المســكين و طَـوَّل غــــــيابك ما بدي قول كــــذابي
و مع كل صبح و مسا برسملك تلاويــن و بكـتب قصايد شعر على صفحة كتابي في ناس قالو في عقلي لوثــة مجــــانين و عايش حياتي أسير حصون سرسابي
يا نور عيني ارجـعي ما بتعــرفي تخمين شايف ربيـــــــــع العمر باللون عــنابي و لمين بشكي هـــــمومي و القهر لمين بشكي نصيبي و ما عمري كنت متصابي
يا نور عيني الدني من أول التكــــــوين بآدم و حوا ابتدت يا رجــــــوة عـــــبابي احمرو عيوني و دموع العين طفرانين و الدمع خــــــدي حفــــــر و تبللو ثيابي
لكن عزايي في متلي كـــتار محـرومين و منهم صبايا و شباب و عــــــز أترابي و أهل العيون الخضر للعرس مشتاقين في شب عــــــنا و بعمق قـــــلوبنا رابي
و يا هالصبايا بنحكي بالشرع و الدين و باقي مناي الفرح اقشع على عـــتابي مش سر و الله لأنو الكل عــــــرفانين حسين (خيي) أبو معروف عــــــــــزابي =====
كسرة ميجانا: هجرك كواني و عشت في همي أنا ***** ردة ميجانا: يا شمس روحي صوب بيتا سلِِّ مي و ع بدر حبي بالمــــــــــودي سلّمي و من قلب صافي هالأمانه ســـلِمي و قولــــــيلها ناطر رجوعا لحيــــينا ====== عتابا ، غزل
البدر ع حيها لما عَـــــــــــــدَا لي القلب ما خاف من هجمة عِدا لي و ميزان الحب ما عــــندو عَدَالي و ظني في ميزان الحب خــــــــاب
***** بحور الكاينه عقلي عـَـــــــــَبرها لكـنو ما نسي دمعا و عِـــــــبَرها و أنا ما حفظت حكمتها و عِبَرها لحتى ناح قلبي عالحـــــــــــــباب
***** بعمري ما أخذت القــــول مِنْ قَول و لا حبي عن هوى العزال مَنْقُول أنا و قلبي لحبيب القلـــــب منقول بصدري الـنار مش وقــــدة حطب ***** ع دربي ما زرعـــــت مره دوالي و لا بدي من الخمر ينبــت دوالي اعطوني خفــق من قلـــبا دوا لي و كتبت حروف اسما بالهــــــداب ***** حنيني لحبــــــــاب القلـــب عَنْهُم و ما مره حــدّث الأصحاب عنهم و إذا قلبي حكى شي يــوم عنهم بيزول الهم من قلبي المصــــاب
========= حكمة أبو الحب :
لا تكن مثل الضبع ، لأن الضبع يأكله رفاقه عندما يشيخ أو يموت
الثلاثاء 4 ديسمبر 2012 - 0:19 من طرف 
موضوع: اعزب الدهر وهمسة عتابا ..شعر ابو الحب 
