موضوع: حرب الجوع والبخل .. شعر ابو الحب وشعراء الصومعه السبت 14 أغسطس 2010 - 15:11
حرب الجوع و البخل،
لا شيء سوى ان الجوع نخر عظامنا و استوطن في معداتنا و كاد يفتك بنا ، و نزار نصير "احتكر" لحوم العزلان التي اصطدناها في الموسم الماضي ، فكانت ثورة الجياع ، رسمنا الخطه و نفذت في عز الظهيرة تحت الشمس ..و البداية تحية و عتاب الاصحاب لأبي طارق.
أبو الحب : مهما كان( تأخيرك) بو طارق بتبقى نجم ع الصفحات بارق عليك ملاحظه و مهما خفينا و عهدي فيك انك انت حاذق بتعليقات ( لطشاتك !؟) رأينا بعلمي كان ورد الود وارق و "اللطشات" ما كانت علينا لكن "عالوفايا!" بلوم غارق *** مزحه مع (جوزفين ) ابتدينا وعند ليلى ولبيبه الباب طارق
مالك : مزحنا مع كريمه وما انتهينا كريمه ،لسانها الفولاذ خارق و نحنا بالعداوي ما ابتلينا صديقه من وفاها النور شارق
زياد : و غاده لسانها هاجم علينا بطرافة و كان بالتنكيت عابق منها خلف بو الياس احتمينا ما شفنا بكل(حوا) شيء فارق و خوخه "خالتي" لما نادينا أفين تبرعت تطفي الحرائق
وسيم : وبدل ما( يرحبو) فينا رأينا علينا تآمرو و حملو مطارق ع راسي قد ما انهالو حكينا قصيدة شعر عل الأربع مفارق و(حوا) بالهوى بتجني علينا الجرح بقلوبنا خارق و حارق
نزار: عطينا عاطفه ،اللوعه جنينا !! منهم في المغارب و المشارق انصبنا برمشها ولما انصلينا الهوى بالقلب ورطـنا بمحارق
هايل: بعدل (ميسون) طالبنا و شدينا يحيا العدل شرط يكون صادق بحكم ميسون بالقصه ارتضينا ما زال الكل في ميسون واثق اعتدت حوا علينا وما اعتدينا بقـــينا بموكب النصر البيارق ولحتى (اعترفلك) في البدايه سحر عيون حوا القلب سارق
***** زياد: يا بو الحب بكلماتك انـَّات القلب المجروح نفس اللوعه بآخاتك اورثها آدم لنوح
يا حوا رمشك غدار بالغمزه سهمك ما خاب في قلبي شعلتي نار لما سهمك قلبي صاب بالسهره شايف نزار قاعد يبكي خلف الباب بنرجع بنحب الازهار مهما صابونا بجروح
نزار : الله عليكن يا نسوان و السهم بقلبي خارق ما تخبو القصه بقصدان نجم الحقيقه بارق من بيتي(لحم الغزلان) هايل لحماتي سارق من الثلاجه يا شعبان حتى عالبحيره تروح
هايل: سرقت اللحمه معترفين بالثلاجـه مْخـَزنها
نحنا رفاقك جوعانين بعدك بتطنش عنها و على الخطه متفقين و بعقلك انت وزنها جوعانين و مسلوخين وبعدك يا هامل مبطوح
مالك : من ليلى بشكي جوعي بتطبخ محشي بالمحشي لربي وحدو مرجوعي ما بقـــدر قوم و امشي يا ميسون بموضوعي تا امشي بدي( دفشي ) بتسقيني المي بكوعي ونزار بيضحك مشروح
الخطه راسمها شعبان ريتو ياكل شي عقرب ويتسمم خيو الفجعان و حد العقرب لا تقرب و زياد وخيو شيطان ريتو عني بيتغرب وسيم و هايل اخوان ان ماتوما فيها خساره
ابو الحب: كنا سته و جوعانين في بخلك انت المشهور و كنا وعدك منتظرين يا ملوعنا خمس شهور و الله نحنا مبسوطين وع اللحمه انت المقهور جبتلك فرمه و سفين و شــفقة جلده و خياره
مالك: بخيل و "فاتح تمك" بتذرف دمعك ع فجلي جعنا و منا شو همك بتطبخ فجله وما بتجلي يا ريتا الدمعه امك تذرف ما تصيبا خجلي بخيل و خافي سمك و نحنا عملنا جكاره
و حياة رب الكون، مولانا الجليل شايف نزار نصير من بخلو ذليل بالجوع ما بعرف جنين من الجليل ومجد شفتو سندويش حسو نبيل يا مْخَزن اللحمات بالي مش طويل و كنت حاسب انك الخي الفضيل لكن بعد خبره (بسلوكك يا نزار) تأكدت انك محتكر لحمه و بخيل **** زياد : شايف بعينك حقد مدفون و زعل من كتر بخلك حقد في قلبك نغل دمك من البخل في جسمك مصل ما رح بقلك بالليالي شو حصل مالك : جعت ولبيبه شفتها راسا انفصل وبشوف ليلى سندويش توم وبصل لكن اذا بشوفك بدربي يا نزار تأكد ع بيتك ما رح الليله تصل ***** ايوب: قهري انا من جوع ناكب معدتي و انت ما تحركت تنهي شدتي الف عيب عليك ناسي مودتي وخبيت لحماتك سبب في هدتي هايل: وعدتنا من شهور جايب عدتي و سكين سنيتا بليالي عدتي من بعد 5 شهور يا وجه الخنا شفت التجعد والنشاف بجلدتي **** وسيم: بعد النصر يا رفاقنا البيرق علي و ما عاد عنا بالمجاعه مشكلي عنا ( اللحوم )و كل ربطه مشكلي ما تقول يا نزار عاللحمه الي مالك: مرتي عليي تآمرت و البهدلي قالت ما بطبخ لحم انثى مدللي ضد (حوا ) وقفت كفي وقفتك و جيب آدم بالبحص يبدأ غلي ***** نزار: ذرفي الدمعات يا عيني الحنوني على اللحمات ، أخواني غزوني كنت اظهر ( لأخواني ) الوداعه و بدل ما يبادلو ودي خانوني بليالي البرد ، و شهور المجاعه كنت وزع على حلوقن معوني لحم و السمن من اجود بضاعه و رز مفلفل و خابت ظنوني!! و انا بالجود ،في عندي شفاعه على الايتام ، في روحي ليوني الخبر منذاع في صحف واذاعه وجاره تولول وتصرخ احموني يا جيرة خير ، يا أطيب جماعه تعو احموني ، قبل ما ياكلوني غزوني ،بيوم اعمى و البشاعه بخطه مدبره رفاقي بلوني !؟ لصوص اللحم ، شبان الخناعه بدل ما يمدحوني هاجموني !! و انا انسان في عندي قناعه بعمل ( خير) مهما يتهموني !!
الثلاثاء 4 ديسمبر 2012 - 0:19 من طرف 
موضوع: حرب الجوع والبخل .. شعر ابو الحب وشعراء الصومعه 
