موضوع: والوجه الثاني .. شعر ابو الحب وشعراء الصومعه السبت 14 أغسطس 2010 - 14:54
.. الوجه اولثاني
زياد : كرمال ليلى ست الكل و لبيبه بغني المطلوع والياسمين و زهر الفل و الحب بقلبي مطبوع و حتى الكل يكونو بظل العداله و صوتا مسموع غنو معنا يا اخوان الوجه التاني من الموضوع
ابو الحب في نقد الذات:
يا (عاصم) ليش وزعت النواعي وع درب الشر صرت اليوم ساعي كانت عاقد ، على الحلوه آمالك بكلامك كنت صاحب( عقل واعي) صرت ترخي على الحلوه حمالك بدلت نهدات حرفي في يراعي ! انا ( بو الحب) ما بخشى سؤالك يا ناكر حبها و حــــارق شراعي قلي كيف !؟ ليش!؟ وشو جرالك؟ تا صرت اليوم سحر العين ناعي الجميله !!؟ كانت الشوق و أمالك " بيوت الحب" ما بتقبل تداعي (اللطيفه !) كانت الفرحـه بخيالك و لأجـل عيونها خايض صراعي صرت ( ناعي )المحبه في مقالك يا وجه البؤس لا تحاول خداعي يا عاصم شو محببها بموديلك !؟ يا ( متقلب ) انت ناعي ابتداعي كأنك صرت تكتب (في شمالك !) بحرف محروق ، سببلي صداعي صرت في موقفك ، ناسي دلالك و ( حوا ) عليك منهالي بدواعي عليها تغـــــــــار من فية خيالك اذا مرت شي نسمه ع الـــمراعي بجحش أعرج انت بادل جمالك و لسانك عقرب و ملسوع بـاعي بكلام الطيش ّ!!، بتعبي شوالك ناسي شو جنى بجهلو( خـزاعي) يا عــــاصم مي ، لا تعبي سلالك الوهم ، ما فادك و بقيت قلاعي استحي ع دمك ! و اترك ضلالك استحى من لسانك لسان الافاعي
نزار: بو الحب مخاصم عاصم و(آدم) غـــدار و نكار و كرمالك يا (ام باسم ) التف لسانو علينا دار
بني آدم ما عندو ذوق و تاريخو اسود معروف بيحكيلا كلمات الشوق وبالتعامل طبعو عسوف هايل: ونحن شعار بهالجوق بنحكي الحقيقه وبنشوف الحقيقه عالرقبه طوق و من ظلمو حامل اوزار زياد: من الجنه آدم مطرود مدني النفس لتـفاحه بملفو اثــبات موجود بعدو ما شفنا الراحه وسيم: وبعدو شفنا كل جحود من اولادو بالساحه ويللي ما لبعرف الحدود و آخرتو بتكون النار مالك: من الله كان التكريم ملائكتو لآدم سجدو الا الشيطان الرجيم ابليس الخاين عهدو ايوب: ضعنا بتفخيم وتعظيم الانسان ماشي للحدو مبلش بيحوا تهشيم افعالو شرور واضرار
***** ابو الحب: الكون انقلب و تعبت الدنيا فساد و زيت الأمانه شح في قنديلها مـا عاد فيها لا محبة و لا وداد النفس الكريمه تآمرو بتكبيلها سبحان الله (آدم) ال خلف ولاد و ابشع جريمه تزينو باكليها فساد عاثو بالدني ، وبين العباد وينك يا عزرائيل ما بتوميلها؟
**** هايل: ( نوح ) النبي ابنو بأمرو ما اتمر كان العصي من بين قومو المعتبر قلو معي ( تفــضل ) أنا ربي امر قلو السفينه بصحرتك متل الحجر وسيم: بصعد جبل وعر الجبل ضد الخطر دمعت عيون البي و الدق انحشر و يا ابن آدم جهلك بطـــوفان نوح بيسكنك بجهنم ب "وادي سقر " ***** نزار: و عن بو لهب خبِّر يا تاريخ الانام ( للخير) مش للشر خلي الاحتكام و بو جهل جهلو حارقو بوجه عام و مسيلمه الكذاب فوق الوهم عام أيوب : و ابن عبد الدار عبـــدو ما استقام و للظهر وجه طعنتو مش للامام و ( العبد سودان ) و الاشتر معو اغتالو الخليفه غدر في ليل السخام
***** زياد : النمرود ظلمو كان عام وما اهتدى شاف الخليقه كلها صفوف العــدا و نيرون متلو ما سمع كلمة حدا حارق بلد ، و الظلم من قبلو ابتدا مالك: يا ابن آدم يا ظــــــلم رايح سُدى لا تقول مالك، مانع، الطير الشدا خليك رايق بس ما تمزح معي بخاف ( ليلى ) تبلش تغني حــدا **** ابو الحب: ابن آدم صار ناكر مهجتو بسمة خداع و غايتو في نبرتو بيتلون و معنا بيغير لهجتو و للمصلحة بهالعصر دارت نغمتو الدنيا الغروره بالمباهج غرتو و بالحسد فسَّر ع خيو نقمتو بيتشى الأخوة و الرحم طبعو نكود و النبي يوسف بلوتو في أخوتو
هايل : مين الغزا بيتي و عملي زلزلي ؟ و مين السرقلي لحم مخزن منزلي لا تقول ليلى او لبيبه المشكلي يا ( ابن آدم ) بعد بحث و غربلي نزار: طالــــــــع متل حكامنا بالبهدلي وسرقات ما بتخطر ع بال الارملي مبلش بنفسي بقول متلك يا نزار ظالم يا بن آدم لا تمشي حنجلي
ابو الحب: في نقد الذات في عندي شجاعه و كفانا ، نعرض الليله بضاعه حروب الكون و الفتنه عملها ابن آدم ( لا رحمه و لا شفاعه) الصبيه برحمتو الواهب جملها و عطاها كل ما بيلزم مناعه وهبها قلب أضعف من حملها و حـــنان الأم حاضر كل سـاعه و ( مريم) من جذع نخله كفلها وعمل يوضاس بالرشوه بشاعه و أمي كان " يا مالك "عملها بقناعة و عمر عاشت في قناعه طلعت كسلان "يا خيبة املها " شــــب تكون ما تحب الوضاعه و نزار نصير، لحقوقي أكلها و (هايل) ما بقي خلفو زراعه ( زياد بو لطيف) للحلوه بلفها و مع ( ايوب) بلفاتو براعه !! (وسيم)، المعرفه مني نهلها افتكر حالو رح يغش الجماعه يا عيب الشوم ع رجوله نسيها ابن آدم ما في عندو وداعه !!