جوزفين لسانك ..
ابو الحب :يا صديقه ، ال كلمتك نبراس
قديش فيها من المرح الوان
وقديش فيها من الذكا مقياس
و مشهد اللوحه بريشة الفنان
يا جوزفين ! بيعرف الاحساس
منك ، حلا النغمات بالألحان
زياد:هَيْ كلمتك، لمعه من الالماس
وفكره عجنها الذوق بالانسان
التعبير !!عا قد الفهم بالناس
و انتي بنقدك ، للنقد ميزان
بيكفي اغتنينا بقول ام الياس
و أمثال .، حكمة اهلنا بلبنان
وبصومعتنا تاج فوق الراس
أخت و كرامة أصل للانسان
ابو الحب:شكرا ، لأنِك ، للفكر ايناس
المنبر بيبقى بكلمتك منصان
*****
ايوب:و عن مبدأ التكوين و الابداع
الله بشرعـــو هـالدني صوّر
علم النفس عا منبر الاشعاع
قنديل علم . ، و للعتم نوَّر
مالك:مهما القمر سافر وصيتو ذاع
راح، و ع مثلك بالدني دوَّر
الفكر الغني بالسوق ما ينباع
بالعقل، مطرح في لبو عمَّر
هايل:ومثلو اللحن مسكون بالايقاع
ومتلو الورد بالمسكبه عطَّر
يا جوزفين..، لسانك المذياع
فوق الأثير بيحمل المنبر
وسيم:بيحمل الكلمه بيجذب الاسماع
تصغي و يجلي عقول تتدبر
منو الحبر بيجول في الاصقاع
و انتي بجولات النقــد اخبر
*****
لطافتنا ..تعودنا على " ملاطفة " الأخت و صديقة العمر جوزفين على طريقتنا التي تحبها منذ سنوات الطفوله ، و لا تقبل بدون هذه " الملاطفه" ، لتأخذها ذريعه للهجوم.و هي لا تحتاج لذريعه و هذا واضح في تعليقاتها. و الأخت جوزفين متحصله على الماجستير في علم النفس المرضي ..
نزار:و لا بد من "نتقة" مزح بيناتنا
بروحِك المرحة تبلسمت علاتنا
بيني وبينك حرب ما رح تنتهي
بهيدي الدني و بالاخره جولاتنا
ابو الحب:يمكن نزار الدرس قاسي بيشتهي
لسانو برم و عالمروحه حكاياتنا
يمكن يا جوزفـين هالواهي سهي
كنتي العــــزيزه الغالية بسهراتنا
مالك: لسانك و لا دقيقه سكت او ملتهي
ياما ب "قصايدنا نتف ريشاتنا "
بنعرف بأنك خوخة الشعر البهي
لسانك بيلســع بالحكي ذيناتنا
زياد:تأفف نزار و مين قادر يمنعو!!؟
و من لسانك هـ الشبيبه بيفزعو
و بجهنم الحمرا اذا زادو الوقيد
بيقشع لسانك جايب جهنم معو
ابو الحب:نزار حاجي تدعي ما في جديد
عقـــلك مخرب متل يلي بيدعو
لسان جوزفين مبرد من حديد
يا ويل يلي بهيك حفله بيسمعو
الثلاثاء 4 ديسمبر 2012 - 0:19 من طرف 
موضوع: جوزفين ... شعر ابو الحب وشعراء الصومعه 
