موضوع: كريمه الحواجري !! شعر ابو الحب و شعراء الصومعه الثلاثاء 13 يوليو 2010 - 6:39
الى اختنا الكريمه كريمه الحواجري
و الحق يقال..
أبو الحب:
كلمة حقيقه من ضميري بكل آن و الحق رفعة منطق، و انتِ العلم أختي كريمه تاج ع جبين الزمان و الجوهرة بالتاج أخلاق و شِـيَّم بنعرف، بأنك منبع الفكر الملان من نعمة الخلق ، و تباشير القـِيَّم حقك ب(دنيا الرأي)اعلان البيان و يكون بيرق فكر ع روس القمم
زياد :
بالنقد ،من حقك وسام وصولجان و تبني عرش للعلم ع تراب العدم مع طرفة المنطق ، كلام الحق بان يا علم يا عقل الذكا بجهل انصدم شو هم بيرق علم من غبرة فلان و يللي احتكم للعقل ما بيحصد ندم نزار:
و ع كل كلمه كنت شاهدها العيان الما بيفهمك بيكون عقلاتو ظلم و باللطافه ، متل زهر الأقحــوان و الأدب منِك ، يا أدب ياما اعتلم
هايل:
بالشعر.. حاكيتي حفيف البيلسان الورد منك ..عطر ـ دفقاتو استلم لأخوتك ، بالمنبر، بفيض قرانا كلامك نور في شرح الحِكَم
ايوب:
يا صامده بغزه ، رغم غدر الكيان صمودك عطا للعز وقفات الشمم سلاحك قلم ، حاكى الاباء بعنفوان مجد القلم ، محتاج ما نهاب الزيم
مالك:
و منا يا اخت الكل ، كل الامتنان و بالصومعه التعليق الطافك رسم نور الحجى منك وجد نسمة أمان حرف الشعر عندك ما بيعاني صمم طحين القمح مبروك مش متل الزوان و انت الخميره و كلمتك موقف هِمَمْ
أبو الحب:
وهلق شوية مزح مع نغـمة كمان (عمتي) كريمه لسانك بيقذف حمم اشتقنا لطرافه من لسانك مع حنان بالحركشه و النكوشه ضحك القلم صرت خايف من صواريخ اللسان يرجف برج بابل ويزحف ع الهرم و أكتر صرت خايف .، ارز لبنان يفنى و يصيرو بالجبل مسرح دِيَّم ويمكن بجوله تكسبي معنا الرهان لكن عليكي بخاف من موجة سقم