كلمة رد على فرسان الصومعة بقيادة أبو الحب والختيار نزار بقلم قارئ جديد

Admin المساهمات : 474 تاريخ التسجيل : 10/11/2009

وصلت من السفر بالحال فتحت النت لقيت الحال أحسن حال
ما قدرت أكتب عن الشمسية قبل ما أقرأ عن النظارة
وأنا تعبان من السفر حبيت أعطي كلمة بالمختصر
بالنهاية هاي كلمتي أقول فيها اللي عندي
يا شعار لا تقربوا أبو الحب
لأنه شعلة نار
الحرارة عنده قوية
وصلت عواصم أجنبية
لا تعاندو يا نزار
عنده موهبة فولاذية
وين ما وصلت الأخبار
بتظل جوقة لبنانية
الأسم معروف كبار
بشهادة عواصم عربية
وكلمة من عندي يا نزار
أخوية مش عدائية
الهجوم بدو قوة
وكري بعد كري
لا تتوقف يا ختيار
القوة بدها حركة وحركشة
الأخوان--------------
هايل جاوب نزار
وأعطى تحذير من نار
لا تتخطى حدود الأحرار
لأنهم شباب في الدار
-----------------
وسيم رد عليك بعلوم
وأعطاك تحذير من غير هموم
وقالك شوف بالعيون
شوف وين صارت النجوم
----------------
زياد كلمتو لطيفة
وحكا بعلم ومعرفة
وتاجر عندو أدوية
ودعاك عندو للعيادة
----------------------
أيوب أسمه معروف
وصار بالعشق موصوف
والشعر عندو مدروس
ومن الصبايا محروس
---------------------
مالك يا نزار لا تقربو
لأنه سفير وعندو حصانة
واذا أنت زعلتو
بتلاقي عندو كل السيادة
---------------------------
أما جوزفين المهضومة
اللي دايما بتحكي بالسياسة
شو دارسي علوم جامعية
ومختصة بحركات نضالية
كلامها دايما بنغنشة
وبالأبر شاطرة مثا الستات---
الظاهر أنك موظفة
واللك كلمة بالرئاسة
أنا مختص بعلوم
وبكشف كل المخابرات
--------------------------
أبو الحب أنت هجومي
ومصوب سهمك ع نزار
نزار صار عندو فراسي
وبالميدان سيفو ماضي
أنت عامل مثل الزغلول
ونزار بجنبك حراسي
السنين علمتو القوافي
وسيارتو صارت للسباقي
وأبو الحب أنت القاضي والمحامي
وعلمت نزار وصار للرئاسة
وبالنهاية أنتو أخوان
وبالسهرة الدفع ع الرئاسة
الله يديم المحبة
وتعطونا زجل وافي
-------------------------
مع تحياتي للجميع أبو طارق

» في مضافة عمر الهباش ...بقلم ابو الحب وشعراء الصومعة
» عميد شعراء الصومعة (ابو الحب ) بقلم:الحاج لطفي الياسيني
» جمع بين شعر القادود و رد الصومعة " بقلم : خولة عبد الحكيم الغرياني
» أتحاد الصومعة وشواطئ الأدب بقلم أبو غازي// وكلمة ل النصيري
» اهداء الى شعراء الصومعة الافاضل بقلم:الحاج لطفي الياسيني